Afghanischer Kulturverein Meschenich E.V. afghanischerkulturverein@gmail.com

د ګران هېواد يوې بلې هستۍ هم له دې نړۍسترګې پټې کړې

په ډېرې خواشينۍ سره مو خبر تر لاسه کړ،چې


د ګران هېواد يو بل خدايي خدمتګار سميع الدين افغاني د ورپېښې ناروغۍ له کبله له دې نړۍ سترګې پټې کړې.

ارواښاد د پښتو او دري ژبې ښه ليکوال او

شاعر وو، د خپل قلم په څوکه يې د

افغانستان دواړو ژبو ته ډېر چوپړ کړی دی

په ګران هېواد او هېوادوالو مين سړيتوب وو، مونږ افغانان يې ددغه ستر چوپړ پوروړي يو.

د کولن ښار ميشينيش د افغانانو کلتوري ټولنې ټول غړي  د ارواښاد افغاني مړينه د ګران هېواد د پاره يو ستر ضايعه بولي، او کورنۍ سره يې په دې ستر غم کې ځانونه شريک ګڼي، او د اللهﷻ څخه ورته د ذغم غوښتنه کوي. 

اروا يې ښاده او جنتونه یې ځای شه، ياد به يې تل د افغانانو په زړونو کې پاتې وي.

د افغانانو کلتوري ټولنه کولن ښار ميشينيش جرمني

غندنليک

په جرمني کې د کولن ښار ميشينيش د افغانانو کلتوري ټولنه د  خپلو ټولو غړو په استازيتوب د پښتون ژغورنې غورځنګ د مخکښ او د پاکستان د ولسي جرګې( پارلمان) غړي علي وزير نيول کېدل د پاکستان د رياست لخوا په کلکو ټکو غندي، او د سملاسي ازادېدو غوښتنه يې کوي، او همدارنګه د پاکستان د رياست دغه بې شرمانه کړنه د نړيوالو اصولو او قوانينو خلاف بولي

د افغانانو د کلتوري ټولنې ټول غړي په نړيوالو غږ کوي، چې د پاکستان په حکومت تر هغې پورې زور راوړي، تر څو د ډيورند د فرضي کرښې دواړو خواوو پښتنو افغانانو د وژلو، نيولو، يرغمل کولو او ځورولو  لاس واخلي.

د لر او بر افغانانو د يوالي په هيله

د افغانانو کلتوري ټولنه کولن ښار ميشينيش جرمني

 

د کابل په پوهنتون د ترهګريز بريد په کلکو ټکو غندنه کوو

 

 

د جرمني د کولن ښار ميشينيش د افغانانو کلتوري ټولنه په کابل پوهنتون د ترهګريز بريد په کلکو ټکو غندنه کوي.

د کلتوري ټولنې ټول غړي د شهيدانو ارواګانو ته دوعا کوي، او ټپيانو ته د الله ﷻ څخه د سملاسي روغتيا غوښتنه کوي، او همدارنګه د شهيدانو د کورنيو سره پدې ستر غمونو کې ځانونه شريک بولي.

په جرمني کې د افغانانو کلتوري ټولنه د ټولو افغانانو څخه  ، که د نړۍ په هر ګوډ کې ژوند کوي، د يوالي غوښتنه کوي، او هيله تري لري ، چې د خپل نظام او افغان ملي ځواک ملاتړ د ژوند تر پايه وکړي. 

زمونږ  شتون د نظام او ملي ځواک په ملاتړ کې دی.

د يو سوکاله ، پرمختللي ، او په ځان بسيا افغانستان په هيله

 

 

اوس دسولې لوبه د افغانانو به لاس کې ده

 له ډېر ځنډ او خنډ څخه وروسته بالاخره د ۲۰۲۰ دسپټمبر په ۱۲مه نېټه د افغانانو تر منځ مخامخ خبرې د قطر ددوخې په ښار کې پیل شوې، او د افغاني لانجې د هواري د پاره یې کړکۍ پرانستله .

داسې اندېښنې شته دی، چې دا خبرې به ډېرې ستونزمنې وي، او دواړه اړخونه په ډېر نرمښت ونه ښايي، طالبان به رښتینې اوربند ته غاړه کښېنږدي، او د جمهوریت زیاتې لاس ته راوړنې به تر پوښتنې لاندې راوړي ، او دولت به هم لنډمهالي ( موقت ) حکومت ته چمتو نه شي ، خو هغه څه چې د افغان ولس هیلې یې زیاتې کړي دي ، هغه دادي، چې اوس د نېکه مرغه دافغاني غمیزې د هواري لپاره ملي ، سمیه ایزه ، او نړیواله اجماع رامنځ ته شویده او د بل وخت څخه زیاته پیاوړې ښکاري، بل داچې په جګړه کې ښکېل اړخونه دې پایلې ته رسېدلې دي ، چې افغاني لانجه پوځي حلاره نلري ، او هیڅ یولورې هم نشي کولای، چې په زور خپلو موخو ته ورسېږي. 

اوس نو د سولې دا لوبه ددواړو غاړو د مذکراتي ډلو په لا س کې ده ، افغانان او نړیوال ددوی خبرې او کړنې څاري، او د تاریخ د قضاوت څخه به هم خلاص نه شي.

افغان دردېدلی ولس په دواړو اړخونو باندې غږ کوي، چې خپل نېتونه افغاني کړي، او د هېواد کورني او بهرني دښمنانو ته وخت ورنکړی ، چې دسولې ددغه تاریخي خبرو په لاره کې خنډونه جوړ کړي، دوی باید افغان ولس او نړیوال ته وښايي، چې افغانان نه یواځې به جګړه کې غښتلي دي ، بلکې د خبرو، جرګو او فیصلو وړتیا هم لري ، او ګران افغانستان ګټې ورته تر هر څه زیات ارزښت لري.

د جرمني دکولن ښار میشینیش د افغانانو کلتوري ټولنه پداسې حال کې چې د سولې دروانو خبرو څخه په ټینګه ملاتړ کوي ، په دواړو غاړو غږ کوي ، چې د افغان ولس غږ واورئ، د سولې په خبرو کې رښتینې واوسئ، له نرمښت او زغم څخه کار واخلئ، او قرباني ورکړئ، او په دې توګه له دغه تاریخی فرصت څخه په ګټې اخستنې سره افغاني څلوېښت کلنې غمیزې ته د پای ټکی کېږدئ 

دافغانستان د خپلواکۍ ورځ

 

د ګران هېواد د خپلواکۍ بیرته  اخستونکی غازي امان الله خان يو زړور اود  ښکېلاک ضد او ازادي غوښتونکی سرتېری وو ، خپل ولس ته په کال ۱۲۹۷ د کب په نهمه په داسې حال کې چې د ملي ځواک جامې یې اغوستې وې،  د کابل ښاریانو او  افغان ملي ځواک ته وینا وکړه : „لومړی خپل ټول اصیل او ریښتوني ملت ته اعلان کوم،‌ او زېری ورکوم ،‌ چې ما د افغانیه سلطنت تاج د افغانستان د کورنۍ او بهرنۍ خپلواکۍ او حاکمیت په نوم په سر کړ“، غازي زیاته کړه: 

„زما ګران ولسه ! زه دا پوځي جامې تر هغې نه وباسم ترڅو خپل مور هېواد ته د خپلواکۍ جامې چمتو نه کړم“.

غازي په کال ۱۲۹۸ د زمري په ۲۸ د افغانستان د خپلواکۍ د بېرته اخستو  اعلان  وکړ ، په دې ورځ د افغانستان  خپلواکۍ نه یواځې دافغانستان بلکې د تولو اسیایي هېوادونو د انګریزي ښکېلاک څخه د  خپلواکۍ پیلامه وه.

په جرمني کې د کولن ښار میشینیش دافغانانو کلتوري ټولنه   ټولو لر او بر افغانانو ته د ګران هېواد د خپلواکۍ د ورځې مبارکي وايي ،‌او د یو سوکاله ، په ځان بسیا او پرمختللي افغانستان هیله لري .

 

 

 

 

په کونړ د توغنديو بريدونه په کلکو ټکو غندو

 

سهار دی د لمر زرينو وړانګو خپله لمن د کونړ ولايت د سرکاڼو او مرورې والسواليو په کليو او بانډو ، کروندو، ښکلو غرونو او رغونو غوړولې ده .
خلک د يو نېکمرغه او سوله ايز ژوند په هيله په خپل ورځني کار بوخت دي، چې ناڅاپه د پاکستان توغنديو د بريدونو موخه ګرځي ، تورې دوړې او خاورې له ځمکې هوا ته پورته کېږي، خلک يوې خوا او بلې خواته منډې وهي، او هڅه کوي ، چې خپل ځان او مال په امن کړي.
پاکستان پدې بريدونو سره يو ځل بيا د کونړ دروند ولس د خپلو خپلوانو او عزيزانو په مرګ ژوبلې سره غمجن او دردمن کوي، او دا يې هم په ډاګه کړه ، چې د پخوا په څېر خپله افغاني ضد کړنلاره پرمخ بيايي ، او د خپلو کرغېړنو موخو څخه يو ګام پر شاه شوي ندي.
ددوی په خبرو او کړنو کې لاهم ستر توپير شته دی، او نه غواړي، چې زمونږ په ګران هېواد کې باعزته سوله او روغه رامنځ ته شي.
د کولن ښار ميشينيش د افغانانو کلتوري ټولنه ددې تر څنګ چې په کونړ ولايت او د هېواد په نورو سيمو باندې د پاکستان د توغيديو بريدونه په کلکو ټکو غندي، په نړيوالو ږغ کوي ، چې د پاکستان دداسې ظالمانه کړنو مخه ونيسي .

د کلتوري ټولنې ټول غړي پدې ټينګ باور لري هغه اور ، چې پاکستان زمونږ په خاوره بل کړيدی، يوه ورځ به يې خپله لمن وسوځوي.

د کمکي اختر په ویاړ دمبارکۍ پیغام

 

د جرمني په کولن ښار  ميشينيش   کې د افغانانو کلتوري ټولنه د کمکي  اختر په ویاړ ټولو لراو بر  افغانانو ته د زړه له تله مبارکي او نېکې هيلې وړاندې کوي

الله ج  دې د ټولو افغانانو عبادتونه په خپل دربار کې قبول او منظور وګرځوي ، او د الله ج د دربار څخه هیله لري،  چې دا کمکی اختر زمونږ په هيواد کې  دتل دپاره د خوښۍ  ، امن او سوکالۍ لامل  وګرځوي

د سردار عارف وزیر او ایران د تلونکو افغان مسافرو وحشیانه وژنه  په جرمني کې  د افغانانو د کلتوري ټولنې لخوا د یو لیک په ترڅ کې وغندل شوه

 

په لر او بر افغان خاوره د کلونو راهیسې د بې ګناه  افغانانو وینه تويېدنه د یو منظم پلان لخوا د افغانانو د دښمنانو په ذریه تر سره کېږي ، د ا بې رحمه دوښمنان چې ډیری یې زمونږ ګاونډي او اسلامي هېوادونه دي، خو هيڅ اسلامي او انساني ارزښتونو ته درناوي نه کوي ، او په دېره بې دردۍ د اټک څخه تر واخانه افغانان په شهادت رسوي ، په کوچنیانو او ښځو یې  هم رحم نه کوي ، کورونه ، جوماتونه  ښوونځي ، پوهنتونونه ورته په کنډواله بدلوي.

د ګران هېواد دښمنانو پدې هم بسنه ونکړه ،  ایران ته په  لاره افغانان یې  په دېره بې دردۍ ووژل،  او بیا  یې د هغوی مړي د اسلامي او انساني ارزښتونو په خلاف په سیند لاهو کړل. ارواګانې دې  ښادې وي،  او جنتونه یې ځای شه ، د تولنې ټول غړي یې  د کورنیو سره په دې ستر غم کې ځان شریک بولي.

په ۱.۵.۲۰۲۰ زېږدیز کال روزل شوو ترهګرو په پښتونخوا کې سردار عارف وزیر د پښتون ژغورنې د غورځنګ مخکښ او د لوې افغانستان د شعور درلونکی په ډېره بې دردۍ په شهادت ورساوه.

د جرمني په کولن ښار میشینیش کې د افغانانو کلتوري ټولنه سره له دې چې داسې  وحشیانه وژنې په کلکه غندي ، په افغانانو د یوالي غږ کوي, او د نړيوالو ددغه وحشیانه کړنو  د پلټنو غوښته کوي 

د ملي شهید سردار عارف وزیر اروا دې ښاده اوجنتونه یې ځای شه ،  د کورنۍ ، پښتون ژغورنې غورځنک او د ټولو لر او بر افغانانو سره په  دې دروند او ستر غم کې ځان شریک ګڼي

د مبارکۍ پیغام

په جرمني کې د افغانانو کلتوري ټولنې ټول غړي ټولو لر اوبر درنو  افغانانو ته  د ولسمشر اشرف غني د بیا ولسمشر کېدو مبارکي وايي، او هیله لري چې راتلونکې پنځه کلونه د ګران هېواد د پرمختګ او سوکالۍ کلونه وي.

او د ولسمشر څخه  په ګران هېواد کې د جمهوریت د پیاوړي کولو، د ملی ارزښتونو د ساتلو،  د ملي ،‌دیني او افغاني ارزښتونو د پاللو، او د باعزته سولې د راوستلو هیله لري.

د کلتوري ټولنې ټول غړي د ولسمشر اشرف غني په کلکه غوښتنه کوي ، چې د تېر په څېر له چا سره خپل واک شریک نه کړي،‌ او د هیچا فشار او زور ته غاړه کېنږدي ،‌ او هغه  افغانانو ته دندې وسپاري چې کاري وړتیا ولري،‌او د ګران هېواد اساسي قانون ،  تمامي ارضیت او ملي ارزښتونو ته درناوی ولري ، تر څو په راتلونکې کې یو  پر مختللی ، سوکاله او په ځان بسیا ګران هېواد ولرو

د پښتنو د نه منلو یا نه اوریدلو خوب

 

لیکنه . جرمنی لیکوال ویلي ګېرمونډ ۲۰۱۸ زېږدیز کال

ژباړه . ډاګټر لونګ يوسفزی

د پاکستان په وزیرستان کې د وښو د زېلو په څېر یو خوځښت بې د زور زیاتي ( عدم تشدد )  د خپلو حقوقو د پاره  مبارزه کوي

يو ژڼی پښتون، کوم چې د پاکستان جنرالان ډېر  ډار کړي دي، په ډېر سخت باران کې د موټر څخه راکوزېږي .

د اسلام اباد د بازار په سیکټور یولس په کم رنګه خالت ، او تورتمي کونجونو کې چې یو څه پکې شوي دي ، ښکاري داسې چې منظور پشتین ترې هیڅ د ډار احساس نه کوي، په داسې يو هېوادکې چې په هر ځای کې تعصب ( کینې ) ، زور زېاتي سنګر نیولی وي ( کمین نیولی وي )

پشتین وايي ٬ ځینې وخت کې دلته ویده کېږم٬  د ناستې په یوه  توشک ، کله چې هغه ستړی شي  ، په پنځم چت کې یې کور دی،  ټول تش دی ، یواځینی د کور سامان یې  د ناستې توشک دی . په خوښۍ سره د مېلمه په اوږه لاس ږدی ، او زېاتوي چې ٬زه په یو ځای ډېر نه پاتې کېږم٬

ددې سره  یې هیله دا وه ،‌ د حیوناتو ( ژوي) د  ځوان ډاکټر  چې ورو سته د ازموینې څخه یې د یوه ژوی درملنه نه ده کړي ، کوم چې  د پاکستان د یو نوم بدي ځای ډیره اسماعیل خان وزیرستان دی ،  څرګندوي چې  ٬ مونږ فقط غواړو، چې د پاکستان قانون زمونږ د پاره هم وي، مونږ د نورو پاکستانیانو په څېر حقوق غواړو ٬

د پاکستان پارلمان اوس نوې قانون جوړ ( پاس ) کړ ، چې ددې قانون له مخې به دغه علاقې ټولې د هېواد سره وتړل شې ،او هغه پخواني ځایي قوانین یې  د منځه یوړل ، خو پشتین او ورسره ملګري یې وایي،  دا بسنه نه کوي،

پخوانی د زده کونکو مشر  خپل ځایي بد حالت تل  د لاسونو په  اشارو داسې  تشریح کوي ٬  ۱۴۰۰۰ کسان زاړه کسان زمونږ تېر کال وژل شوي او یا ورک شوي دی چې هیځ درک یې نه شته ، مونږ غواړو چې ددې کړنو مسئول مالوم شي ، مونږ انصاف غواړو٬

پشتین یوه خولۍ هم د کوړۍ ویښتانو د پاسه کلکه په سر کوي ، د کوم  په جوړولو کې چې د قالینو ( سترنجۍ یا درۍ ) د موادو څخه ګټه پورته کېږي ، او په مزار شریف افغانستان کې جوړېږي ، خو اوس ورته څوک د مزارۍ نوم نه اخلي ، بلکې د پشتین د خولۍ په نوم یادېږي، او په بازار کې هم کمې پیداکېږي ، ځکه هر سړی همدا خولۍ پېري

د څلورو کالو راپدېخوا د پښتنو د حقوقو د پاره مبارزه کوي ، خو په ټولېز ډول یې په مارچ په ۲۰۱۸ کې داسلام اباد په لور د لاریون غږ وکړ، او په ناڅاپي ډول زرونو خلکو د پشتین په مشرۍ لاریون پیل کړ ٬ ما هیڅ باور نه کاوه ، چې یو ناڅاپه دومره ډېرې موټرې خلک زمونږ پسې شوې٬

علت ددې ستر لاریون دیو ځوان پښتون  نقیب الله مسید د پاکستان په لوی اقتصادي ښار کراچۍ کې د پولیسو د مشر راوانوار په ذریه ښکاره وژنه وه، د پولیسو مشر دعوه وکړه چې دا د تالیبانو پټ پلوي دی، کوم چې د پاکستان د څارګرې ادارې په امر وژنې کوي ، راوانوار د نقیب دژوندي نیولو زیار ځکه ونه ویست ، چې  که چېرته ژوندي نېول شوی وای، نو دا پروسه به د محکمې دلارې اوږده وه ، نو ځکه یې وواژه

په کراچۍ کې يو نوموتي خبریال یا ژورنالیست ددې خبرې پخلی هم وکړ ٬ پښتنو  سره په  هر ځاې کې توپیري چلند کېږي او تنګول کېږي ٬

په ټوله نړۍ او پاکستان کې داسې فکر او تصور دی، چې د پښتنولۍ د احساس سره   وحشي قبیلوي جنګ کونکي د اوږدې ږیرې ،  او اوږده ویښتانو سره چې په ښې لاس کې قران او چپ لاس کې ډک شوې کلاشینکوف وي.

خو د بل خوا پښتانه د عدم تشدد یو تاریخي کلتور او فلسفه لري ،  کوم  چې باچاخان چې د محاتمه ګاندې د لارې ملګری وو، چې وروسته د پاکستان د جوړېدو،  اوهم د انګریزانو په وخت کې ډېر عمر په زندان کې تېر کړی دی ، د عدم تشدد د لارې خپله مبارزه کړی ده، چې ډېری پښتانه یې نه پېژني ، ځکه چې په پاکستان کې د ښوونځې په کتابونو  کې ترې  هیڅ یادونه نه ده شوی،‌ چې په دې خبره منظور پشتین هم پوهېږي

کله چې دا  پوښتنه رامنځ ته کېږي ،  چې تاسې د عدم تشدد په پل قدم کږدئ، پشتین په جواب کې وایي ٬ ځینې خلک راته باچاخان وایي ، ځینې راته چې ګویرا( د کیوبا یو ازادي غوښتنکی وو) وایي، خو زه ساده منظور پشتین یم٬

د هغې یو ساده خوب چې پښتانه په  پاکستان کې د ریاست او ادارو لخوا زیانمن نه شې ، د پاکستان قدرت مند او پیاړي جنرالانو او سیاسی ګوندونو مشرانو خوبونه تښتولی او ډارولي دي

د پاکستان څارګرې ادارې ای ایس ای یو پټ لیک ټول ځانګړو ادارو ، تلویزنونو ، اخبارونو ته استولې،‌ چې په پاکستاني ریاست، فوځ او څارګرو ادارو ،  عمران خان او د هغې په پارټۍ به هیڅ نیوکه نه کوئ ،‌او هم به په  پښتون ژغورنې غورځنګ خبر نه خپروئ

پښتنو مخکې د خپل ژوند د ښه کولو په پار  د ډېرو ګوندنو پورې خپلې هیلې وتړلې ، لکه د مولانا فضل الرحمان ، عوامي نیشنل پارټۍ، د عمران خان پارتۍ ، دې ټولو ته یې وټونه ورکړل او کامیاب هم شو .

خو د اسلام اباد يو پښتون اوسېدونکې وويل ، کوم چې څلور کاله پخوا د وزیرستان څخه تښتېدلی دی ٬ د پښتون ژغورنې غورځنګ زمونږ يواځنۍ هیله ده ٬

د پښتون ژغورنې غورځنګ غړي نه غواړي چې په پارلماني ټاکنو کې برخه   واخلی ، خو سره ددې څخه ټول سیاسی ګوندونه ددوی د اغېز څخه چې په پښتنو یې لري،  ډار لري، او په دې پوهېږي چې بیا به ورته ټاکنې په ډېره لوړه بیه تمامې شي.

کله چې دې غورځنګ په کراچۍ کې دیو ستر لاریون اعلان وکړ، نو سیاسي ګوندونو هم د یوې غونډې اعلان وکړ،‌ لکه څنګه چې دا غورځنګ په خواله رسنیو کې ډېر فعال دی، نو دا ورته هیڅ ستونځمنه نه وه ،‌  نو خپله غونډه او لاریون یې یوه ورځ وروسته کړ. پاکستاني ادارو ډېر زیار وویست چې پشتن ددې غونډې راوګرځوي، د الوتکې د لارې یې اجازه ورنګړه ، د ځمکې د لارې په تګ کې یې ورته هم ډېر خنډونه رامنځ ته کړل، خو پشتین یې راونه ګرځاوه، د غونډې په ځای کې پرې انټرنیټ او برښنا بنده کړه ، خو سره ددې هم پشتین ورته  په څرکند ډول ويل ٬ محاکم ، پارلمان ټول د فوځ لخوا یرغمل شوي دي ، دا ډول نظام باید نور دمنځه لاړ شي٬

خو پشتین په وړاندې جنرالان وایی چې ٬ پشتین د بهرنیانو هند او افغانستان اجندا پر مخ وړي 

Show Buttons
Hide Buttons